Kisi aur ka khat padh liya tha maine ek baar
aur us ke shabd chipakte rahe the
aankhon mein din bhar
aisa hi laga tha aaj jab maine
bina tere jaane tujhe dekha tha

Ek baar paara pakadne ki koshish ki thi
haath mein
baar baar phisla tha
jab tak nahin haari thi main.
Vaisa hi laga tha jab maine un shabdo ko soonghne ki koshish ki thi
jo kabhi mere liye kabhi kahe hi nahin gaye the.

Khaali bartan gir gar khad khad ki aawaaz karta ghoomta raha tha zameen par us din
main zara sehm gayi thi.
vaise hi maine aaj jaate hue kadmon ki aahat suni thi
jo kabhi meri taraf aaye hi nahin the...


15/10/05
9.30 p.m